தமிழன் மலமள்ள ரசிக்கும் திராவிட கட்சிகள்

தமிழன் மலமள்ள ரசிக்கும் திராவிட கட்சிகள்

 
இந்தியாவை 50 ஆண்டுகாலம் ஆண்ட காங்கிரஸ் கட்சியும், அதனோடு மாற்றி மாற்றி 40 ஆண்டுகாலமாக கூட்டணி வைத்திருந்த திராவிட கட்சிகளும் மக்களை நரகப்படுகுழியில் தள்ளி தூக்கு போட்டுக் கொண்டு சாகும் அளவுக்கு கொண்டு சென்றுள்ளன.

சமீபத்தில் தமிழகத்தில் மக்களின் அடிப்படை வாழ்வுதரத்தை ஆராய்ந்த லயோலா கல்லூரி திமுக ஆட்சியில் விலைவாசிகள் விண்ணை முட்டிவிட்டதாக சொல்லியிருக்கிறது. இதற்கு முழுக்க, முழுக்க மத்திய அரசும் அதை தாங்கி நிற்கும் திமுகவுமே காரணம் என்கிறார் இடதுசாரி அரசியல் விமர்சகர் சோலை.அடிப்படை பொருட்களின் விலைவாசி உயர்வு பற்றி லயோலா கல்லூரியின் கருத்து கணிப்பு பின்வரும் அபாய அறிவிப்பை செய்கிறது.

"அரிசியைத் தவிர, இதர எண்ணெய், பருப்பு வகைகள், சமையல் பொருள்களின் விலைகள் கிராமங்களில் வானத்தில் ஏறிக் கூத்தாடுகின்றன என்று, கருத்துக் கணிப்பு சிவப்பு விளக்குக் காட்டியிருக்கிறது.

இதனை நாமே கிராமங்களில் நேரடியாக உணர முடிந்தது. என்ன இது? அரிசி விலையைக் குறைச்சுட்டு எண்ணெய், துவரம்பருப்பு, உளுத்தம்பருப்பு விலைகளைக் கலைஞர் உயர்த்திவிட்டாரே என்று பாமரத்தனமாக மக்கள் கேட்டனர். என்ன பதில் சொல்வதென்று மௌனமானோம். .."

விலைவாசி உயர்விற்கும் மாநில அரசுக்கும் சம்பந்தமில்லை. மத்திய அரசின் கொள்கைகளால்தான் விலைவாசியை விண்ணில் ஏற்றி விளையாடுகின்றன என்று பதில் சொல்லலாம். ஆனால், டெல்லியிலும் தி.மு.க. கூட்டணி ஆட்சியில் அமர்ந்திருக்கிறதே என்று அவர்கள் எதிர்க் கேள்வி கேட்பார்கள்.

விலைவாசி விண்முட்ட காரனம் என்ன?திமுக,பாமக காங்கிரஸ் கூட்டணி அரசின் தவறான கொள்கைகள் தான் காரனம் என்கிறார் சோலை. கடும் வார்த்தைகளில் ஐக்கிய முற்போக்கு கூட்டணி அரசை சாடுகிறார் சோலை

"வணிகத்தில் யூக வியாபாரத்தை மத்திய அரசு அனுமதித்தது. கூண்டிற்குள் பசியெடுத்துப் படுத்திருந்த பெரிய வணிகர்களைத் திறந்துவிட்டது. எந்த உணவுப் பொருளை வேண்டுமானாலும் நீங்களே கொள்முதல் செய்யலாம் என்று அனுமதித்தது. அவ்வளவுதான். கொள்முதல் செய்து அவர்கள் பதுக்கி வைத்துவிட்டார்கள். யூக வணிகம் விலைவாசியை உயர்த்திக் கொண்டே போகிறது. இந்த லட்சணத்தில், 'விலைவாசியைக் கட்டுப்படுத்தப் போகிறோம்' என்று நிதி அமைச்சர் வேறு தமாஷ் செய்கிறார்.

எந்த அளவிற்கு விலைவாசி உயர்ந்திருக்கிறது என்பதனை தீபாவளியின்போது சாதாரண மக்களும் உணர்ந்து கொள்வார்கள். அந்த ஆதங்கத்தை இப்போதே அவர்கள் கருத்துக்கணிப்பாளர்களிடம் கவலையோடு தெரிவித்திருக்கிறார்கள்"

தரிசு நிலத்தை விவசாயிகளுக்கு வினியோகிப்பதில் ஏகப்பட்ட குளறுபடிகள் நேர்ந்துள்ளன என்கிறது லய்யோலா கல்லூரியின் கருத்துகணிப்பு.பல ஆண்டுகளாக தரிசு நிலங்களில் விவசாயம் செய்து வந்தவர்களிடமிருந்து அவற்றை பிடுங்கி கழக கண்மணிகளுக்கு தாரை வார்த்துள்ளதாம் திமுக அரசு. இதனால் அடித்தட்டு மக்களிடையே கடும்கோபமும், கொந்தளிப்பும் நிலவுகிறதாம். இதை கடுமையாக கண்டிக்கும் சோலை "அரசு தரிசு நிலங்களை ஏற்கெனவே நிலம் உள்ளவர்கள், வசதியானவர்கள் ஆக்கிரமித்திருந்தால், அதனைக் கைப்பற்றுவதில் தவறில்லை. ஆனால், அந்தத் தரிசு நிலம்தான் ஒரு விவசாயியின் உடைமை என்றால், அதற்குப் பரிகாரம் காணவேண்டும். அந்தத் தரிசு நிலத்தைப் பண்படுத்த அந்த விவசாயி இரவு பகலாக எந்த அளவிற்கு ரத்தமும் வியர்வையும் சிந்தியிருப்பான்? இப்படி ஒரு சில தவறுகள் நடந்திருக்கலாம். ஆனால், அடிபட்டு வீழ்ந்து மூச்சுக் காற்றில் முனகிக் கொண்டிருப்பவர்களுக்கு அந்தத் தவறுகளே ஊன்று கோல்களாகிவிடும்." என்கிறார்.

தமிழகத்தில் கொள்ளை நோய்கள் தாண்டவமாடுகின்றன. இந்தியா முழுக்க டெங்கு, சிக்குன் குனியா என விஷநோய்கள் மக்களை கொன்று குவிக்கின்றன. உண்மையான புள்ளிவிவரங்களை கூட வெளியிட மறுக்கும் தமிழக அரசு சிக்குன் குனியாவில் இதுவரை ஒருவர் கூட சாகவில்லை என புளுகு மூட்டையை அள்ளி தெளித்து கோயபல்ஸ் பாணியில் விளம்பரங்களை அள்ளி தெளிக்கிறது. இந்த விளம்பரங்களுக்கு செலவு செய்யும் காசை சிக்குன்குனியாவில் சாகிறவர்களுக்கு செலவு செய்தாலாவது பயன்பாடாக் இருக்கும் இல்லையா?

ரோம் நகரம் பற்றி எரியும்போது பிடில் வாசித்த நீரோ மன்னன் போல் மக்கள் நோய்வந்து சாக சினிமா காரர்களுக்கு காசை அள்ளிதெளித்து அவர்களிடமிருந்து மலர்கிரீடமும், தங்கபேனாவும் வாங்கி விழா கொண்டாடிக் கொள்கிறார் கலைஞர்.

மத்தியில் உள்ள சுகாதார துறை அமைச்சர் அன்புமணி என்ன கிழிக்கிறார் என்றே தெரியவில்லை. நோய் இருக்கிறது என ஒத்துகொள்வதை விட நோயே இல்லை என சாதிக்கும் போக்கு தான் மத்திய சுகாதார அமைச்சரகத்திடம் காணப்படுகிறது. இதை பற்றி குறிப்பிடும் பதிவர் சிவபாலன் பல அதிர்ச்சி தகவல்கலை தெரிவிக்கிறார். "டெல்லியில் தலைகாட்டிய டெங்கு நோய் இன்று 18 மாநிலங்களில் பரவி 56 உயிர்களை பலிவாங்கியுள்ளது. நாடு முழுவதும் மொத்தம் 3500 பேர் இந்நோய்க்கு ஆளாகியுள்ளனர். கொள்ளை நோய் என அறிவிக்காவிட்டாலும் நிலைமை மோசம் என மத்திய அரசு அறிவித்துள்ளது. இதுவரை 3500க்கும் அதிகமானோர் இந்நோய்க்கு ஆளாகியுள்ளனர். இதற்கிடையில் டெல்லி எய்ம்ஸ் மருத்துவமனையில் நேற்று மட்டும் புதிதாக 28 பேர் டெங்கு நோய் காரணமாக மருத்துவமனையில் அனுமதிக்கப்பட்டனர். கடந்த ஒரு வாரத்தில் மட்டும் இம் மருத்துவமனையில் 6 ஆயிரம் பேருக்கு டெங்கு பரிசோதனை செய்யப்பட்டுள்ளது. நிலைமை மோசமானவர்கள் மட்டுமே மருத்துவமனையில் வைத்து கவனிக்கப்படுகிறார்கள். மற்றவர்கள் மருந்து மாத்திரை கொடுத்து வீட்டுக்கு அனுப்பி வைக்கப்பட்டு வருகின்றனர்."

இதை விட கேவலம் என்னவென்றால் 50 ஆண்டு காலம் ஆட்சி செய்த காங்கிரஸ் கட்சியும், 40 ஆண்டு காலம் தமிழகத்தை ஆட்சி செய்த திராவிட கட்சிகளும் , ஆறாண்டு காலம் ஆட்சி செய்த பா.ஜ.கவும், இன்னும் தம் மக்களை மலம் அள்ள வைக்கும் நிலையில் தான் வைத்திருக்கின்றன என்பதுதான். இந்தியாவில் மலம் அள்ளும் தொழிலை இன்னும் 6.76 லட்சம் பேர் செய்துவருவதாக தகவல்கள் தெரிவிக்கின்றன.

தமிழகத்தில் கோவையில் 40 ஆண்டுகால திராவிட கட்சிகளின் ஆட்சிக்கு பிறகும் தமிழன் மலம் அள்ளும் நிலைமையை பாருங்கள்.

இந்த மாதிரி மனித மலத்தை மனிதன் அள்ளும் கேவலத்துக்கு முழு பொறுப்பும் மாநில அரசுகளும் மத்திய சுகாதார துறையும் தான் என தெரிவிக்கிறது பிரண்ட்லைன் பத்திரிக்கை. 40 ஆண்டுகாலம் தமிழகத்தை ஆண்ட திராவிட கட்சிகள் இதற்கு என்ன பதில் சொல்ல போகின்றன?மத்திய சுகாதார துறை அமைச்சகம் இதற்கு என்ன நடவடிக்கை எடுத்திருக்கிறது?

தமிழனை இன்னும் மலம் அள்ள வைத்து, அவர்களின் பிரதிநிதி நான் என மார்தட்டிக்கொண்டு, புரட்சி தலைவி, தமிழன தலைவர் என பட்டங்களை சுமந்துகொண்டு அடிப்படை மக்களின் பயன்பாட்டுக்கு உள்ள பொருட்களின் விலையை விண்முட்ட ஏற்றிவிட்டு, சினிமாகாரர்களுக்கு ஒட்டுமொத்தமாக வரிவிலக்கு அளித்து கோடீஸ்வர கோமான்கள் வீட்டில் ஏசி ஓடவும், இவர்களுக்கு ஒட்டு போட்ட மக்கள் பீ அள்ளவும் வைத்த திராவிட கட்சிகள் இனி மேலும் நாட்டை ஆண்டால் தமிழ ்நாடு சுடுகாடாகிவிடும்.

--
செல்வன்
தனிமடல் தொடர்புக்கு: holyape@gmail.com


நன்றி செல்வன்

Read More

என்னையும் இந்தியனாக மாற்றுங்கள்...

இனவெறி என்பது

பிற இனத்தவரை தாழ்மையாக கருதுவதும்.. 
பிற இனத்தவரின் உரிமைகளை மறுப்பதும்..
பிற இனத்தவரை அடிமை போல நடத்துவதும்..
பிற இனத்தவரிடம் பாகுபாடு காட்டுவது ...

கீழ்க்காணும் கேள்விகளுக்கு பதில் அனுப்பி தாங்கள் கூறியதை நியாயப்படுத்தவும் ::::::

 

இதற்கு பதிலலித்து விட்டு என்னையும் இந்தியனாக மாற்றுங்கள்...

தமிழர்கள் இது வரை யாருடைய உரிமைகளையாவது மறுத்திருக்கிறார்கள் ??? எந்த இனத்தவரையாவது அடிமைபோல நடத்தி அவர்களை பாகுபாடுடன் நடத்தியிருக்கிறார்களா ? தமிழர்களின் உரிமையை ஏன் மற்றவர்கள் மறுக்கின்றனர் ?? இதற்கு தங்கள் பதில் இருந்தால் நன்றாக இருக்கும்..

மராட்டியத்தில் கூலி வேலை செய்த தமிழர்களை அடித்து விரட்டினர் சிவசேனைய மராட்டிய படைகள்.. அதற்கு அவர்கள் சொன்ன பதில் 'மும்பை நகரம் மராட்டியர்க்கே'  ஏன் அவ்வாறு கூறி விரட்டினர் ????

ஆசியாவிலேயே அதிகம் குடிசை மக்கள் வசிக்கும் பகுதி மும்பை தாராவி பகுதி.. அங்கு யார் வசிக்கிறார்கள் என்பதை நினைவு படுத்திக் கொள்ளவும்..
இங்கு தமிழகத்தில் எத்தனை மார்வாடிகள் கால் மேல் கால் போட்டுக் கொண்டு வட்டித் தொழிலில் தமிழர்களை வாட்டி எடுத்துக் கொண்டிருக்கினறனர் என்hதை பார்க்கவும்...

கேரளாவிலிருந்து தமிழகத்தில் வந்த மலையாளிகள் 3 லட்சம் தேனீர் கடைகள் வைத்துள்ளனர்.. அதற்கான நன்றியை கூட முல்லை பெரியாறு பிரச்சனையில் காட்ட மறுக்கின்றனர்.. கடலில் கலக்கும் வீணாகும் நீரில் சில டி.எம்.சியைக் கூட மறுக்கின்றனர்.. ஏன் ??????

ஒரு மலையாளி (அந்தோணி) ராணுவ அமைச்சராக இருக்கும் ஒரே காரணத்திற்காக முல்லை பெரியாற்று அணைக்கு சம்பந்தமே இல்லாத கப்பற் படை ஏன் வந்தது ? யார் உத்தரவிட்டார் ? மலையாள இன உணர்வு தானே காரணம் ?

கேரளாவிற்கு தினமும் அரிசி, பருப்பு, இறைச்சி என எவ்வளவோ செல்கிறது ... ஏன் அவர்களுக்கு நம் மீது மட்டும் இப்படியொரு தாழ்மையான எண்ணம்... 96 சதவீதம் தமிழர்கள் வசித்த தேவிகுளம், பீர்மேடு பகுதிகள் ஏன் கேரளத்தோடு இணைக்கப்பட்டது,..? யார் இணைத்தது ??? ஏன் இணைத்தனர் ???

ஆந்திரர்கள் பாலாற்றில் அணை கட்டுவதற்கு தைரியமூட்டியது யார் ? அது தவறா ??? சரியா ???

உலகில் எங்குமே அனுமதிக்கப்படாத ரசியாவின் அணுமின் நிலையத்தை தமிழகத்தை தவிர இந்தியாவில் எந்த மாநிலமும் பாதுகாப்பு கருதி அனுமதிக்கவில்லை.. அதனால் மத்திய அரசு தமிழகத்தில் அதை அமைக்க தீவிரம் காட்டியது ஏன் ??? புதிய அறிவியல் சோதனைகளுக்கு பயன்படும் எலி போன்ற சிறு உயிரினங்களை போல ஏன் மத்திய அரசு தமிழர்களை கருதுகிறது ??

ரயில்வே துறைத் தேர்வுக்கு ஏன் பிஹாரில் மட்டும் விளம்பரம் செய்து இந்தியா முழுக்க நடப்பதாக சொல்லப்பட்டது ?? அம்மாநிலத்திற்கு மட்டுமான தேர்வு எனில் அதை எழுத பிஹாரிகள் சென்னைக்கு ஏன் வரவேண்டும் ?? ஏன் அத்தேர்வு மற்ற மாநிலங்களில் அறிவிக்கப்டடபோதும் தமிழகத்திற்கு அறிவிக்கப்படவில்லை ஏன் ??? யார் அதை செய்தது ? ரயில்வே துறை அமைச்சருக்கு இன உணர்வு ஏன் ?

இந்திராகாந்தியை சுட்டுக் கொன்ற சீக்கியனுக்கு பிரதமர் பதவி... தன்னையும் கற்பழித்து தன் அண்ணன் மார்களை கண் முன்னேயே கொன்ற இந்திய அமைதிப் படையினரை எதிர்த்து அதை அனுப்பிய ராசீவ் காந்தியை அழித்த சுபா என்கிற தமிழச்சியைக் காட்டி ஒர் இனத்தின் விடுதலையையே தடுப்பது ஏன் ?? தமிழர்களிடம் மட்டும் ஏன் இந்த பாகுபாடு ??

உப்புத் தொழிலில் இந்தியாவில் முதலிடத்தில் இருந்தது தமிழகம்.. குஜராத் இரண்டாம் இடம்.. திடீரென அயோடீன் குறைவு என ஏன் தமிழகத் தொழிலை மட்டும் தடை செய்து குஜராத்தை முதலிடத்திற்கு  போனது எப்படி ? நம்மை விட குறைந்த அயோடின் சக்தி கொண்ட குஜராத் உப்புத் தொழிலை ஏன் காங்கிரஸே தடை செய்யவில்லை ?????

நம்முடைய தமிழ் நிலமான கச்சத்தீவை இலங்கைக்கு தானமாக வழங்கியது யார் ???

நாகப்பட்டினம் மீனவர்களை தினமும் சுட்டு அட்டுழியம் செய்யும் இலங்கை அரசை என்றாவது இந்திய அரசு கண்டித்ததா ? என்ன நடவடிக்கை எடுத்தனர் ??  குஜராத் மீனவர்களை பாகிஸ்தான் படையினர் சுட்டால் அதற்கு உலகையே கூப்பிட்டுக் காட்டும் மத்திய அரசு ஏன் தமிழர்களிடம் பாகுபாடு காட்டுகிறது ?? தமிழர்களும் இந்தியர்கள் தானே ??

தாங்கள் பழம் பெரும் நாடு என்னும் இந்திய நாடு இருந்ததற்கான வரலாற்று ஆதாரம் ஏதேனும் உண்டா ??? தெரிந்து கொள்ள ஆசை.. கூறுங்களேன் தோழரே....

இடஒதுக்கீடு கொடுத்தால் தகுதி திறமை கெட்டு போய் விடும் என்று கூறிவிட்டு சுமார் 75 வருடங்களாக இடஓதுக்கீடு அமல் படுத்தும் தமிழகத்திற்கு ஏன் வடநாட்டவர்கள் மருத்துவத்திற்கு தமிழகம் வருகிறார்களே ,,? இங்கு தான் தகுதியும் திறமையும் கெட்டுப் போய்யிருக்குமல்லவா ??? ஏன் அதை உச்சநீதி மன்றம் மறு ஆய்வு செய்ய சொன்னது ???

குடியரசுத் தலைவர் கலாம்.. ஒரு தமிழனாய். இலங்கை பிரச்சனைக்கு என்ன நடவடிக்கை எடுத்தார் ?? ஒரு குடியரசுத் தலைவராய் நாட்டிற்று புதிதாக ஏதேனும் செய்திருக்கிறாரா ? அவர் தன்னிச்சையாக மக்களுக்காக எடுத்த ஏதாவது ஒரு திட்டத்தினை சொல்லவும்..

முதன் முதலில் 1805  வேலூரில் நடைபெற்ற சிப்பாய்க் கலகம் ஏன் மறக்கடிக்கப்பட்டு 1857 கலகம் மட்டும் பாட புத்தகங்களில் முதலிடம் பெற்றது ??

'இந்தியாவில் அனைவரும் சமம் '- நியாயப்படுத்துக...
ஏன் நாகாவை மட்டும் தனித் தேசிய இனமாக இந்திய அரசமைப்பு சட்டப்பிரிவு 371(ஏ) பிரிவு அங்கீகரிக்கிறது ? மற்ற இனங்களான தமிழ், மலையாளம், பிஹாரிகள், மராட்டியர்கள், கன்னடர்கள் ஆகியவற்றை ஏன் மறுக்கிறது ???

மகாராட்ரம், காசுமீர், அசாம், மெகாலயா, அருணாசல பிரதேசம் உள்ளிட்ட பல மாநிலங்களில் மற்ற மாநிலத்தவர் ஏன் நிலம் வாங்கக்கூடாது ? அதை ஏன் அரசியலமைப்பு சட்டம் 351 முதல் 355 வரை உள்ளிட்ட பிரிவுகள் ஏன்  மறுக்கின்றன ? அது இந்தியா தானே ?? ஏன் இந்த பாகுபாடு ? மகாராட்டிரம் முன்னேறாத மாநிலமா ?

மேலே என் அறிவுக்கு எட்டிய வற்றுக்கும் எனக்கு தெரிந்தவற்றுக்கும் தான் கேள்வி கேட்டுள்ளேன்.. தங்கள் பதிலை ஆவலோடு எதிர்பார்க்கிறேன்.. இவற்றுக்கான பதிலை மற்றவர்களும் எழுதலாம்..

நான் தமிழ் இன வெறியன் இல்லை. உலகை ஆண்ட தமிழினம் வீழ்ந்து கிடப்பதை எண்ணி வேதனைப்படும் பலருள் ஒருவன். 5000 வருட தமிழன் என்கிற அடையாளம் மறந்து இந்தியன் என்கிற போலி அடையாளத்தை மறுப்பவன்..

இக்கேள்விகளுக்கு பதில் அளிக்க வேண்டியது தமிழர்களாய் இருந்தும் 'இந்தி"ய அடையாளம் பேணுபவர்கள் தான்....

இதற்கு பதிலலித்து விட்டு என்னையும் இந்தியனாக மாற்றுங்கள்... என் தமிழ் அடையாளத்தை எப்படி தகர்ப்பது என யோசியுங்கள்...

ஒரு மனிதன் சாதி இல்லாமலும், மதம் இல்லாமலும் வாழ முடியும்..
மொழி இல்லாமல் வாழ்ந்த மனிதப்பிறவி இதுவரை இல்லை..
ஏனெனில் மொழியும் இனமும் இயற்றை அளித்தது.. அதை பாதுகாப்பது நம் கடமை.. அதை பிறர் அழிக்க நினைத்தால் வேடிக்கை பார்ப்பது மடமை...

வாழ்ந்தாலும் வீழ்ந்தாலும் தமிழோடு....
தோழமையுடன்
க.அருணபாரதி

Read More

பிளவை நோக்கிய பாதையில் இலங்கை - இலக்கியன்

பிளவை நோக்கிய பாதையில் இலங்கை..

இலக்கியன்

 

பூகோள ரீதியாக இந்தியாவின் கீழே கண்ணீர் துளி போல அமைந்திருக்கும் இலங்கை இன்று இரத்தத் துளியாக மாறியிருக்க காரணம் எது? சுதந்திர இலங்கை அமைய பெற்ற பின்னர் சிங்கள இனவெறிக்கு இலங்கையை நகர்த்திய பண்டாரநாயகாவின் ஆட்சியும் அதை தொடந்து வருகிற இனவெறி கொள்கைகளும் அடிப்படை காரணம். பல படுகொலைகளை, யுத்தங்களை, இடப்பெயர்வுகளை சந்தித்து நார்வே நாட்டின் முயற்சியில் தமிழீழ விடுதலைப் புலிகளும், ரணில் விக்கிரம சிங்கே தலைமையில் அமைந்த அரசும் செய்த போர் நிறுத்த ஒப்பந்தம் தற்காலிக சமாதானம் கொண்டுவந்தது.

விமான குண்டு வீச்சுக்களை சந்தித்து பழக்கப்பட்டுப்போன மக்களும் பாதிக்கப்பட்ட தென்னை, பனை மரங்களும் குண்டு சத்தங்களை கேட்டு பல மாதங்கள் கடந்திருந்தது. சமாதானம் பேச கைகோர்த்தபடி புலிகள் இயக்கத்தை உடைக்கும் 'சாணக்கிய' வேலையில் ஈடுபட துவங்கி வடக்கு, கிழக்கு என பிரிவினையை தூண்டி கிழக்கு மாகாண தளபதி கருணாவை பகடைக் காயாக பயன்படுத்தியது. அதை தொடர்ந்து வெடித்த மோதலில் பிரபாகரன் அனுப்பிய படையால் கருணாவும் அவரது அணியினரும் அரச கட்டுப்பாட்டு பகுதிக்கு துரத்தப்பட்டனர். தொடர்ந்து மறைமுகமாக மோதல் துவங்கியது. இந்த மோதலை உருவாக்கிய பெருமை றா, சி.ஐ.ஏ மற்றும் இலங்கை அரசை சார்ந்ததாக கருதப்படுகிறது. தொடர்ந்து இராணுவம் மறைமுக தாக்குதல்களில் ஈடுபட, புலிகள் மறைமுக தாக்குதலை துவங்க இன்று சமாதான புறாவின் இறக்கை பறிக்கப்பட்டு துப்பாக்கி முனையில் சாகடிக்கப்படுகிறது. இந்த மறைமுக யுத்தத்தில் பாதிக்கப்படுவது அப்பாவி தமிழ் மக்கள். குடும்பம் குடும்பமாக படுகொலை, பாலியல் பலாத்காரம், காணாமல் போதல் என ஒரு பக்கம். பயத்திலும் பீதியிலும் குடும்பம் குடும்பமாக மண்ணை, உறவுகளை இழந்து படகில் ஆபத்தான பயணம் செய்து 'அகதி' என்ற முத்திரை குத்தப்பட்டு இராமேஸ்வரம் கரையில் சேர்வது இன்னொரு பக்கம். தமிழகம் நோக்கி வரும் வளியில் ஆபத்தில் சிக்கி பிணங்களாக கரையில் ஒதுங்குவது இன்னொரு அவல நிலை. இப்படியான இவர்கள் வாழ்வில் எதற்காக இந்த சோகங்கள்.
 

 

வங்காலை படுகொலை காட்சிகள்

 

 

 

சமீபத்தில் இலங்கை, மன்னார் வாங்காலையில் தமிழ்க் குடும்பம் ஒன்றை படுகொலை செய்து வெறியாட்டத்தை நடத்தியிருக்கிறார்கள். படுகொலை செய்யப்பட்டதில் சிறு வயது குழந்தைகள் இருவரும் அடக்கம். வீட்டு கூரையில் கயிற்றால் கட்டி தொங்கவிட்டு சித்திரவதை செய்து கொல்லப்படும் அளவு இந்த சிறார்கள் செய்த கொடுந்தவறு என்ன? தமிழர்களாக ஒரு தமிழ் குடும்பத்தில் இலங்கை அரசின் ஆளுகையில் பிறந்தது அவர்கள் செய்த தவறா? தந்தையை கண் முன்னே கட்டி தொங்க விட்டு கதற கதற கொலை செய்ததை பார்த்த சாட்சிகளாக அவர்கள் இருந்திருப்பார்கள் என்பதாலா? இத்தனை கொடுமைகளையும் நிகழ்த்திய வெறியர்கள் அந்த மழலைகளின் அன்னையாரை பாலியல் பலாத்காரம் செய்து, கட்டி தொங்க விட்டு சித்திரவதை செய்து கொலை செய்துள்ளனர். இந்த படுகொலையை இரவோடு இரவாக நடத்தியது யார்? அந்த பகுதியில் பகல் வேளையில் இராணுவம் சுற்றி வளைத்து தேடுதல் வேட்டையில் ஈடுபட்டதாகவும்,கொடிய ஆயுதங்களுடன் மாலை வேளையில் நடமாடியதாகவும் அப்பகுதி மக்கள் சாட்சியளிப்பதில் சந்தேகம் இராணுவத்தை நோக்கி செல்கிறது.

 

 

அண்மையில் வவுனியா மாவட்டத்தில்

அரச கட்டுப்பாட்டு பிரதேசத்தில்

கொல்லப்பட்டவர்

இராணுவ கட்டுப்பாட்டுப் பகுதியில் இப்படி தமிழர்களுக்கு எதிரான கொலைகள் அதிகரித்து வருவது அரசாங்கம் சமாதானம் மீது நம்பிக்கை இல்லாமல் படுகொலைகளை மீண்டும் ஆயுதமாக கையில் எடுப்பதாக தெரிகிறது. இதற்கு முன்னர் அல்லைப்பிட்டியில் படுகொலை செய்தவர்களையோ, வாங்காலை படுகொலையில் ஈடுபட்டவர்களையோ இதுவரை கைது செய்து முறையான விசாரணைக்கு உட்படுத்தவில்லை. அதிகாரத்தை கையில் வைத்திருப்பவர்கள் யாராக இருப்பினும் மக்களை பாதுக்காக்க நடவடிக்கை எடுக்க வேண்டும். இல்லையேல் அவர்களும் குற்றவாளிகளே.

இலங்கை அரச அதிபர் மகிந்தா ராஜபக்சே கண்களை மூடி நடத்துகிற படுகொலைகளே இலங்கை என்ற அவரது ஒற்றை தேச கொள்கையை உடைக்கப் போகிற வலுவான ஆயுதம். முரண்பாடுகளின் முடிவு மோதல்களும், மோதல்கள் பிரிவினையிலும் முடிவது அறிவியல் தத்துவம். இலங்கை, தமிழீழம் என இரண்டு தேசங்களை உருவாக்க இலங்கை இராணுவமும் அரச இயந்திரமும் படுகொலைகளில் ஈடுபட, உலகக்காவல்காரனும், ஐரோப்பிய கூட்டமைப்பும் மனித உரிமைகளை சவப்பெட்டியில் ஆணியடித்து அடக்கம் செய்கிறது. விடுதலைக் குரல் கொடுத்த மக்கள் வென்றதும் வல்லமை பொருந்திய அரசுகள் வீழ்ந்ததும் வரலாற்றின் பக்கங்களில் பலவற்றை காணலாம். அந்த பட்டியலில் விரைவில் தமிழீழ மக்களும், இலங்கை அரசும் இரு வேறு இடங்களில் இடம் பெறுவர். எல்லைக் கோடுகளை விட மனித மதிப்பீடுகள் உயர்ந்தவை. விடுதலைக்காக எல்லையை பங்கிடலாம், எல்லைக்காக மனித மாமிசத்தை கூறு போடலாமா?

Read More